Panaginip

Bakit nga ba meron tayo nito? Hmmm, di ko alam eh pero ang alam ko minsan sa pagtulog ko nagkakaroon ako ng panaginip, minsan naman wala as in zero... Pansin ko lang kapag maganda araw ko ang ganda ng panaginip ko pero kapag naman ako'y hapo or pagod napakasama at napupunta pa ito sa bangungot.

Iba-iba ang tema ng panaginip natin, may mga dreams na paggising mo eh nasa alaala mo pa pero meron naman na hindi mo na maisip pa kahit na ano pang powers na gawin mo para maibalik eh wala na talaga sa iyong kukote... May panaginip naman na paputol-putol, I mean yung magigising ka tapos pagtulog mo ulit eh natutuloy, minsan pa natutuloy ito sa kung anong gusto mo... Ewan ko ha pero kasi sa akin nangyari na yun, naituloy yung dream ko sa temang gusto kong mangyari, oh diba ang saya nun? :) May panaginip naman na magugulat ka na lang kasi nagkakatotoo dahil nangyayari sa buhay mo mismo (pero meron akong dream na hanggang ngayon eh nasa isipan ko pa din at hinihintay na magkatotoo). May dream naman na magigising ka na mapapangiti or mapapatawa ka o di kaya eh magigising kana lang naiyak kana tapos minsan pa mapapadasal ka bigla... Pero ang pinaka-hate ko eh yung managinip ka ng nakakatakot at sa sobrang takot eh bangungot ang abot nito. Naranasan niyo na ba yun? Ako ilang beses na din, yun bang pilit mong gigisingin sarili mo para makatakas sa panaginip na yun. Mahirap yun, kakatakot at nakakapanghina din paggising mo...

Simula nang mabasa ko yung entry ng blogmate ko na si Jhenny at Billycoy about dreams eh sunod-sunod na akong nakakapanaginip ng medyo hindi kagandahan, nagdarasal naman ako bago matulog at hindi naman ako gaanong pagod the whole day, ewan ko ba kung bakit?! Yung tulog ko tuloy paputol-putol kaya paggising ko parang hirap bumangon... Wala naman sigurong kaugnayan ang mga post na yun sa mga panaginip ko lately kasi malayo naman sa naisulat nila, siguro weird lang talaga si Misyel, hahaha. Sana lang mamaya sa aking pagtulog eh mawala na yung mga panaginip na di maganda, wish ko lang! :D